சென்னை பெண் வியாபாரி வெட்டிக்கொலை: தமிழக அரசின் சட்டம்-ஒழுங்கு லட்சணம் இதுதானா?

சென்னையில் மாமூல் தர மறுத்த பெண் வியாபாரி வெட்டிக் கொலை செய்யப்பட்டார். மதுரை திருமங்கலத்தில் இனிப்புக்கடை சூறையாடப்பட்டது.

சட்டம் ஒழுங்கு லட்சணம் இது தானா? என்று பா.ம.க. நிறுவனர் டாக்டர் ராமதாசு கேள்வி விடுத்துள்ளார். இது தொடர்பாக அவர் வெளியிட்டுள்ள அறிக்கையில் கூறியிருப்பதாவது:

சென்னை திருவொற்றியூரில் பழக்கடை நடத்தி வந்த கவுரி என்ற பெண் வணிகர் மாமூல் தர மறுத்ததால் அவரை பர்மா சேகர் என்ற ரவுடி வெட்டிப் படுகொலை செய்திருக்கிறார். அதைத் தடுக்க முயன்ற கவுரியின் கணவர் மாரியும் கத்திக் குத்துக்கு ஆளாகி மருத்துவனியில் சேர்க்கப்பட்டுள்ளார். சென்னையில் பட்டப்பகலில் நடந்துள்ள இந்த படுகொலையும், கொலை முயற்சியும் கண்டிக்கத்தக்கவை.