கேரளாவில் பயங்கரம்: உடற்பயிற்சி கருவியால் தலையில் அடித்து பெண் படுகொலை!

உடற்பயிற்சி கருவியால் தலையில் அடித்து பெண் படுகொலை செய்யப்பட்டது.

இதுகுறித்து ஐ.டி. ஊழியர் மற்றும் அவரது கள்ளக்காதலியுடன் கைது செய்யப்பட்டனர்.

கேரளாவில் நடந்த இந்த பயங்கர சம்பவம் பற்றிய விவரம் வருமாறு:

கேரள மாநிலம் பெரும்பாவூரில் உள்ள சுண்டி குழி என்ற இடத்தை சேர்ந்தவர் ஜெஸ்சி ஆபிரகாம் (வயது 55). இவர் களமச்சேரியில் உள்ள ஒரு அடுக்குமாடி குடியிருப்பில் வசித்து வந்தார். இவருக்கும் திக்கக்கரா பகுதியைச் சேர்ந்த கிரிஷ் பாபு (வயது 45) என்பவருக்கும் இடையே பழக்கம் ஏற்பட்டது. கிரிஷ் பாபு ஐ.டி. நிறுவன ஊழியர் ஆவார்.

இவர் தனது மனைவியை பிரிந்து தனியாக வாழ்ந்து வருகிறார். இவருக்கும் திருப்புனித்துரா பகுதியைச் சேர்ந்த கதீஜா (வயது 42) என்ற பெண்ணுக்கும் இடையே கள்ளக்காதல் இருந்து வந்தது. கதீஜா அங்குள்ள ஒரு பேக்கரியில் பணிபுரிந்து வந்தார்.

நல்ல பழக்கம் இருந்ததால் ஜெஸ்சி ஆபிரகாமின் வீட்டிற்கு கிரிஷ் பாபு அடிக்கடி வந்து செல்வது வழக்கம்.