1971 போரில் இந்தியா கூட்டாளி மட்டுமே: எங்களுக்கு அச்சுறுத்தல் விடுக்கிறார் பிரதமர் மோடி!

வங்கதேச தலைவர்கள் கண்டனம்!!

1971ல் பாகிஸ்தானுக்கு எதிராக நடந்த போரில் இந்தியா, வங்கதேசத்தின் நட்பு நாடாக மட்டுமே துணை நின்றது. ஆனால் தற்போது இந்திய பிரதமர் மோடி, வங்கதேசத்தின் சுதந்திரத்திற்கும், பிராந்திய ஒருமைப்பாட்டுக்கும் நேரடி அச்சுறுத்தல் விடுக்கும்வகையில் பேசியுள்ளார் என்று வங்கதேசத்தின் பல்வேறு கட்சித் தலைவர்கள் கண்டனம் தெரிவித்துள்ளனர். கடந்த 1971ஆம் ஆண்டு இந்தியா-பாகிஸ்தான் இடையே நடைபெற்ற போரில் இந்திய ராணுவம் வெற்றி பெற்றது. இந்த போரில் இந்திய ராணுவத்தைச் சேர்ந்த 3,843 வீரர்கள் உயிர்த்தியாகம் செய்தனர்.

9,851 பேர் காயமடைந்தனர். 13 நாள்கள் நடைபெற்ற இந்த போரின் முடிவில், பாகிஸ்தானின் படைத்தளபதி ஜெனரல் அமிர் அப்துல்லா கான் நியாசி, 93 ஆயிரம் படையினருடன் இந்தியாவிடம் சரணடைந்தார்.