கோவையை பரபரப்பில் ஆழ்த்திய விபத்து: 20 டன் எரிவாயுவுடன் மேம்பாலத்தில் கவிழ்ந்த டேங்கர்! 500 மீட்டர் தூரத்தில் உள்ள பள்ளிகளுக்கு விடுமுறை!!

கோவை மேம்பாலத்தில் எரிவாயு டேங்கர் லாரி கவிழ்ந்து வாயு கசிந்ததால் பரபரப்பு ஏற்பட்டது. இதனால் சுமார் 500 மீட்டர் தொலைவில் உள்ள 5 பள்ளிகளுக்கு விடுமுறையும் அளிக்கப்பட்டுள்ளது.

கோவை நகரின் முக்கிய சாலையான அவிநாசிசாலையில் உப்பிலிபாளையம் பகுதியில் மேம்பாலம் அமைந்துள்ளது. கோவை நகரில் மிக முக்கிய இணைப்பு பாலமாக இது உள்ளது. இந்நிலையில் இன்று அதிகாலை 2 மணி அளவில் கேரள மாநிலம் கொச்சியில் இருந்து கோவை கணபதி பகுதியில் உள்ள பெட்ரோலியம் கேஸ் குடோனுக்கு 20 மெட்ரிக் டன் அளவு எரிவாயுவுடன் டேங்கர் லாரி ஒன்று வந்து கொண்டு இருந்தது.