தமிழுக்கு ‘செம்மொழி' தகுதியை தந்தவர் மன்மோகன் சிங்!

படத்திறப்பு விழாவில் முதல்வர் மு.க.ஸ்டாலின் பேச்சு!!

முன்னாள் பிரதமர் மன் மோகன்சிங், தமிழ்நாடு காங் கிரஸ் முன்னாள் தலைவர் ஈ.வி.கே.எஸ். இளங்கோவன் ஆகியோரின் மறைவையொட்டி, சென்னை தேனாம்பேட்டை, காமராஜர் அரங்கத்தில் தமிழ்நாடு காங் கிரஸ் கமிட்டி தலைவர் கு. செல்வப்பெருந்தகை, எம்.எல்.ஏ., தலைமையில் புகழஞ்சலி நிகழ்ச்சி இன்று நடைபெற்றது.

நிகழ்வில், தமிழ்நாடு முதல்வர் மு.க. ஸ்டாலின், மறைந்த மன் மோகன்சிங், ஈ.வி.கே.எஸ். இளங்கோவன் ஆகியோரின் படங்களை திறந்து வைத்து மலர் தூவி மரியாதை செலுத்தினார்.

பின்னர், முதல்வர் மு.க. ஸ்டாலின் பேசியது: முன்னாள் பாரத பிரதமர் மன் மோகன்சிங், முன்னாள் காங்கிரஸ் தலைவர் ஈ.வி.கே.எஸ். இளங்கோவன் ஆகிய இரண்டு முக்கியமான தலைவர்களை நாம் அடுத்தடுத்துத் இழந்து இருக்கிறோம். இந்த இழப்பு நாட்டுக்கும், காங்கிரசுக்கும் மட்டுமல்ல, எனக்கும் தனிப்பட்ட முறையில் பெரிய இழப்புதான்.

மன்மோகன்சிங் தேசிய அளவில் காங்கிரசுக்கு மாபெரும் தூணாக இருந்தவர். அதேபோல் ஈ.வி.கே.எஸ். இளங்கோவன் தமிழக காங்கிரஸ் கட்சிக்கு மாபெரும் தூணாக விளங்கியவர்.

ஈ.வி.கே.எஸ். இளங்கோவன் பாரம்பரியமான அரசியல் குடும்பத்தை சேர்ந்தவர்.

பெரியாரின் பேரனாக, ஈ.வி.கே. சம்பத் மகனான அரசியல் வானில் வலம் வந்தவர்.

இவர் மன் மோகன்சிங் அமைச்சரவையில் ஜவுளித்துறை அமைச்சராக பணியாற்றியவர்.

நெருக்கடியான காலத்தில் நிதியமைச்சராக பொறுப்பேற்று சரித்திரத்தில் இடம் பிடித்தார் மன் மோகன்சிங்.

உலக பொருளாதார மேதைகளில் ஒருவராக மதிக்கப்பட்டவர்.

அவர் எந்த விதமான பரபரப்பு இல்லாத வாழ்க்கையை வாழ்ந்திருக்கலாம். அதைதான் அவரைப்போன்றோர் விளங்குவார்கள்.

அவரது திட்டங்கள்தான் இந்திய பொருளாதாரத்திற்கு அடித்தளமாக அமைந்தது.