பா.ஜ.க.வின் கைப்பிள்ளை சீமானை தமிழக மக்கள் ஓட ஓட விரட்டும் காலம் வெகு தொலைவில் இல்லை!

தந்தை பெரியார் பற்றி அவதூறு பரப்புவதா?

தமிழ்நாடு காங்கிரஸ் எஸ்.சி. துறைத் தலைவர் ரஞ்சன் குமார் கடும் தாக்கு!!

தமிழ்நாடு காங்கிரஸ் கமிட்டியின் எஸ்.சி., துறைத் தலைவர் எம்.பி. ரஞ்சன் குமார் வெளியிட்டுள்ள கட்டுரை அறிவித்துள்ளார்:

தமிழ்த் தேசியம் என்ற பெயரில் தமிழ்நாட்டுக்கும் தமிழ்மக்களுக்கும் எதிராகத் தொடர்ந்து செயல்பட்டு வரும் சீமான், பா.ஜ.க.வின் 'பி'டீமாகவே வெளிப்படையாகச் செயல்பட்டு வருகிறார்.

திராவிட இயக்கத்தையும், தமிழர் பண்பாட்டை யும் சீர்குலைக்க ஆளுநர் ரவி மூலம் பிரசாரத்தை நடத்திக் கொண்டிருக்கிறது பா.ஜ.க. அதே பா.ஜ.கதான் சீமானை யும் இயக்குகிறதோ என்ற அச்சம் எழுகிறது.

தமிழ்நாட்டைப் பொருத்தவரை, பா.ஜ.க.வின் இரட்டை குழல் துப்பாக்கியாக ஆளுநர் ரவியும், சீமானும் செயல்பட்டுக்கொண்டிருக்கிறார்கள்.

அதனால்தான் பிரிவினைவாதத்தை கையில் எடுத்து கொண்டு வெளிப்படையாகச் செயல்படும் சீமான் மீது இன்று வரை நடவடிக்கை எடுக்காமல் இருக்கிறது பா.ஜ.க.