காஷ்மீருக்குள் ஊடுருவிய 5 பாகிஸ்தான் ராணுவ வீரர்கள் சுட்டுக் கொலை!

ஜம்மு காஷ்மீரின் பூஞ்ச் மாவட்டத்தில் பாகிஸ்தான் ராணுவ படையினர் போர் நிறுத்த ஒப்பந்தத்தை மீறி மீண்டும் இந்திய நிலைகளை நோக்கி தாக்குதல் நடத்தினர்.

- 

இதையடுத்து இந்திய ராணுவமும் தக்க பதிலடி கொடுத்து பாகிஸ்தான் படையினரின் ஊடுருவலை முறியடித்தது. இந்த தாக்குதலில் பாகிஸ்தான் ராணுவ படையைச் சேர்ந்த 5 பேர் சுட்டுக்கொல்லப்பட்டதாக கூறப்படுகிறது.

இந்தியாவும் பாகிஸ்தானும் கடந்த 2021 ஆம் ஆண்டு பிப்ரவரியில் தங்களது போர் நிறுத்த ஒப்பந்தத்தை புதுப்பித்தன. இதன் பின்னர் போர் நிறுத்த மீறல் நடைபெறுவது வெகுவாக குறைந்தது.

எனினும் கடந்த மாதம் ஜம்முவின் அக்னூர் செக்டாரில் உள்ள எல்லைக் கட்டுப்பாட்டு கோடு அருகே வெடிகுண்டு வெடித்ததில் ஒரு கேப்டன் உட்பட இரண்டு இந்திய ராணுவ வீரர்கள் கொல்லப்பட்டனர்.