લેટ્સ સેલિબ્રેટ હેપી એન્ડ સેફ દિવાલી

રોશનીનો તહેવાર દિવાળી આપણા બધાં જ માટે સેફ અને હેપી હોવો જોઈએ. આપણી તહેવારોની ઉજવણીથી કોઈને પણ નુકસાન ન થવું જોઈએ એ જોવાની જવાબદારી પણ આપણી છે

આપણે બધાં ઇચ્છતાં હોઇએ છીએ કે આપણા તહેવારો ખુશીઓથી ભરેલા હોય, પછી ભલે તે હોળી હોય, દિવાળી હોય, ઉત્તરાયણ હોય કે અન્ય કોઇ પણ તહેવાર હોય, જોકે સૌથી મહત્ત્વની વાત એ છે કે આપણા તહેવારો માત્ર આપણા માટે નહીં, પરંતુ બીજાઓ માટે પણ સેફ હોવા જોઇએ. આપણી તહેવારો ઊજવવાની ખુશી કે વધુ પડતો ઉત્સાહ આસપાસના લોકોને હાનિ ન પહોંચાડનારો હોવો જોઇએ. રોશનીનો તહેવાર દિવાળી આપણા બધાં જ માટે સેફ અને હેપી હોવો જોઇએ. આપણી તહેવારોની ઉજવણીથી કોઇને પણ નુકસાન ન થવું જોઇએ.

આ વખતે ૨૪ ઓક્ટોબરના રોજ આખા દેશમાં દિવાળીના તહેવારની ઉજવણી કરવામાં આવશે. જ્યોતિષ વિધિવિધાન અનુસાર સંજોગો કંઇક એવા બન્યા છે કે નરક ચતુર્દશી, જેને નાની દિવાળી પણ કહેવાય છે, તે પણ આ જ દિવસે છે. તેથી આપણે તહેવારો પર કેટલીક ખાસ વાતોનું ધ્યાન રાખવું જોઇએ.