અમદાવાદમાં બોર્ડ પરીક્ષાની ટ્રાયલ સમી ધો. ૧૦ની પ્રી-બોર્ડ પરીક્ષાનો આજથી પ્રારંભ

વિધાર્થીઓનું મનોબળ મજબૂત કરવા અને હાઉ દૂર કરવા અમદાવાદ ડીઈઓ દ્વારા શિક્ષણ જગતના ઇતિહાસનો નવતર પ્રયોગ

અમદાવાદ, ગુરુવાર

ગુજરાત બોર્ડની પરીક્ષાની તારીખો જાહેર થઇ ગઇ છે. આગામી ૧૪ માર્ચથી ધો.-૧૦ અને ૧૨ની ગુજરાત બોર્ડની એક્ઝામ શરૂ થઈ રહી છે તે પહેલાં ટ્રાયલના ભાગરૂપે આજથી પ્રી-બોર્ડ પરીક્ષાનો અમદાવાદમાં પ્રારંભ થયો છે. પહેલી વાર પરીક્ષા આપતા ધો. ૧૦ના વિદ્યાર્થીઓ બોર્ડની પરીક્ષાથી અજાણ હોય છે. પેપરસ્ટાઈલ કેવી હશે, પેપ૨ કેવાં હશે અને કઈ શાળા-પરીક્ષા કેન્દ્રમાં નંબર આવ્યો હશે તેવી ચિંતા વિદ્યાર્થીઓમાં જોવા મળતી હોય છે. આ વિદ્યાર્થીઓને બોર્ડની પરીક્ષામાં સરળતા રહે તે માટે અમદાવાદ જિલ્લા શિક્ષણાધિકારી કચેરીએ શિક્ષણ જગતના ઇતિહાસમાં પહેલી વાર આ પ્રકારની અનોખી પહેલ કરી છે.