અમદાવાદમાં છ દિવસ સુધી મેઘમહેર યથાવત્ રહેશેઃ ભારે વરસાદ પડવાની શક્યતા નહીં

વહેલી સવારથી જ શહેરમાં હિલ સ્ટેશન જેવો માહોલ સર્જાતાં અમદાવાદીઓ ખુશખુશાલ

- 

સ્થાનિક હવામાન વિભાગ દ્વારા ગઈ કાલે પણ ભારે વરસાદ પડવાની આગાહી કરવામાં આવી હતી, જેના કારણે અનેક લોકો ચિંતાતુર થયા હતા. જોકે, હવામાન વિભાગની આગાહી મુજબ મુશળધાર વરસાદ ન પડતા લોકોએ થોડી રાહત અનુભવી હતી. રવિવારના વરસાદથી શહેરીજનો તોબા પોકારી ઊઠ્યા હતા. જોકે, મેઘરાજા અમદાવાદમાંથી સહેલાઈથી વિદાય લેવાના નથી. આગામી ૨૪ સપ્ટેમ્બર સુધી એટલે કે હજુ છ દિવસ સુધી શહેરમાં સતત વરસાદ વરસતો રહેશે. અમદાવાદી ઓએ હળવા પ્રકારનો વરસાદ સહન કરવો પડશે. જોકે આ સમયગાળા દરમિયાન ભારે વરસાદ થવાની કોઈ આગાહી કરવામાં આવી નથી.