સુધરી જજો, નહીં તો સસ્પેન્શન પાકું

વસ્ત્રાપુર, ચાંદખેડા, કાગડાપીઠ, એલિસબ્રિજ અને ટ્રાફિક પોલીસ સ્ટેશનના પોલીસ કર્મચારીઓને ઉચ્ચ અધિકારીઓએ સસ્પેન્ડ કર્યા

સુધરી જજો નહીં તો સસ્પેન્શન પાકું જ છે, આ શબ્દો કામચોરી કરતા, ગુનેગારો સાથે સંબંધ ધરાવતા, પોતાનું ખિસ્સું ગરમ કરતા પોલીસ કર્મચારી માટે છે. છેલ્લા વીસ દિવસમાં શહેર પોલીસમાં બેદરકારી રાખનાર બે પીઆઇ સહિત આઠ પોલીસ કર્મચારી સસ્પેન્ડ થયા છે. કાગડાપીઠ પોલીસ સ્ટેશનના ત્રણ પોલીસ કર્મચારી, વસ્ત્રાપુર પોલીસ સ્ટેશનનો એક પોલીસ કર્મચારી, ચાંદખેડા પોલીસ સ્ટેશનનો એક પોલીસ કર્મચારી તેમજ ટ્રાફિક પોલીસ સ્ટેશનના બે પોલીસ કર્મચારી અને એલિસબ્રિજ પોલીસ સ્ટેશનના એક પોલીસ કર્મચારીને સસ્પેન્ડ કરવામાં આવ્યા છે.