જબલપુરમાં કારચાલકે પગપાળા જઈ રહેલા છ લોકોને કચડ્યાઃ બેનાં મોત

મેહરમાં ટ્રેક્ટરતી ટક્કરથી સાત શ્રદ્ધાળુ ઘાયલ

મધ્યપ્રદેશના જબલપુરમાં એક ભયાનક અકસ્માત થયો હતો. ગઈકાલે રાત્રે ભયાનક ઝડપે જઈ રહેલી એક કારના ચાલકે પગપાળા જઈ રહેલા છ લોકોને કચડી નાખ્યા હતા. આ અકસ્માતમાં બે લોકોનાં ઘટનાસ્થળે જ મોત થયાં હતાં. જ્યારે ચાર લોકો ઘાયલ થયા છે. ત્રણની હાલત ગંભીર છે. ઘાયલોને ખાનગી હોસ્પિટલમાં દાખલ કરવામાં આવ્યા છે. આ અકસ્માત વિજયનગરમાં થયો હતો. અકસ્માતની માહિતી મળતાં જ પોલીસ તાત્કાલિક ઘટનાસ્થળે પહોંચી ગઈ હતી. આરોપીની અટકાયત કરવામાં આવી છે. પોલીસ આ મામલે તપાસ કરી રહી છે.