ટીમ ઇન્ડિયાની પેસ બેટરીના તરખાટ સામે ઓસ્ટેલિયાનો વાવટો ૧૮૧ રન પર સમેટાયો

ભારતને ઝટકોઃ મેદાનમાંથી બહાર રહ્યા બાદ બુમરાહ હોસ્પિટલ જવા નીકળ્યો

ટીમ ઇન્ડિયાની પેસ બેટરીએ તરખાટ મચાવતા ઓસ્ટ્રેલિયાની પ્રથમ ઇનિંગ્સનો વાવટો ૧૮૧ રનમાં સમેટી દીધો છે. ઉલ્લેખનીય છે કે ભારતે તેની પ્રથમ ઇનિંગ્સમાં ૧૮૫ રન બનાવ્યા હતા. આજે મેચના બીજા દિવસે એક સમયે ૩૯ રનના સ્કોર પર ચાર વિકેટ ગુમાવી દીધી હોવા છતાં ઓસ્ટ્રેલિયાએ સારી કહી શકાય તેવી વાપસી કરી હતી. એક સમયે એવું લાગી રહ્યું હતું કે તેઓ ભારતના સ્કોરથી આગળ નીકળી જશે. જસપ્રીત બુમરાહ મેદાનની બહાર હતો. આમ છતાં ભારતીય બોલર્સે જોરદાર વાપસી કરીને ઓસ્ટ્રેલિયાની ઇનિંગ્સ ૧૮૧ રનના સ્કોર પર સમેટી દીધી હતી. ઓસ્ટ્રેલિયા તરફથી સૌથી વધુ ૫૭ રન વેબસ્ટરે બનાવ્યા હતા, જ્યારે ભારત તરફથી સિરાજ અને પ્રસિદ્ધ કૃષ્ણાએ ત્રણ-ત્રણ વિકેટ, જ્યારે બુમરાહ અને નીતિશ રેડ્ડીએ બે-બે વિકેટ ઝડપી હતી.