હવામાન પલટાયું: હવે ભીષણ ગરમી સહન કરવા તૈયાર રહેજો

૨૫ માર્ચે અમદાવાદમાં હીટવેવ ફરી વળશેઃ મહત્તમ તાપમાન ૪૨ ડિગ્રીને પાર થશે તેવી આગાહી

- 

ગુજરાતનું હવામાન ફરી એક વખત પલટાયું છે. ગત રાતથી જ અમદાવાદ સહિત અનેક સ્થળોએ ઠંડા પવન ફૂંકાયા હતા, જેના કારણે આજે સવારે પણ લોકોએ ફૂલગુલાબી ઠંડીનો અનુભવ કર્યો હતો. રાજ્યના હવામાનમાં સતત આવી રહેલા પલટાના કારણે હવામાન નિષ્ણાતો પણ મૂંઝવણમાં મુકાયા છે અને આગામી સમય ગુજરાત માટે કેવું વાતાવરણ લઈને આવશે તે અંગે ચોક્કસ આગાહી કરી શક્તા નથી. આમ છતાં પણ હવામાન વિભાગે તેના વેધર ફોરકાસ્ટમાં જણાવ્યું છે કે મહત્તમ તાપમાનમાં વધારો થવાનું શરૂ થઈ ગયું હોવાથી હવે ગુજરાતવાસીઓએ ભીષણ ગરમી સહન કરવા માટે તૈયાર રહેવું પડશે, તેમાં પણ અમદાવાદમાં તો આ વખતે કાળઝાળ ગરમી પડવાની સંભાવના હોવાથી શહેરીજનોને વિશેષ કાળજી રાખવાની સલાહ આપવામાં આવી છે.