சஜித் அணியுடன் தயாசிறி கைகோர்ப்பு

எதிர்வரும் ஜனாதிபதித் தேர்தலில் எதிர்க்கட்சித் தலைவர் சஜித் பிரேமதாசவுக்கு ஆதரவளிக்க ஸ்ரீலங்கா சுதந்திரக் கட்சியின் பாராளுமன்ற உறுப்பினர் தயாசிறி ஜயசேகர உள்ளிட்ட குழுவினர் தீர்மானித்துள்ளனர்.

இதனையடுத்து, ஐக்கிய மக்கள் சக்தியுடன் கொள்கையளவிலான 25 விடயங்கள் உள்ளடங்கலான புரிந்துணர்வு ஒப்பந்தம் கைச்சாத்திடப்பட்டுள்ளது.

ஐக்கிய மக்கள் சக்தியின் தலைவர் சஜித் பிரேமதாச மற்றும் பாராளுமன்ற உறுப்பினர் தயாசிறி ஜயசேகர ஆகியோர் நேற்று (07) இந்த ஒப்பந்தத்தில் கையெழுத்திட்டனர்.

நடக்கவுள்ள ஜனாதிபதித் தேர்தலில் ஐக்கிய மக்கள் சக்தியின் தலைவர் சஜித் பிரேமதாசவுக்கு ஆதரவளிக்க அண்மையில் தீர்மானம் மேற்கொண்டிருந்த நிலையில், தற்போது ஒப்பந்தமும் கைச்சாத்திடப்பட்டுள்ளது.