இலங்கையர்களுக்கான “தீர்வு எம்மிடம் உள்ளது”

முதலீடுகள் பற்றிய முறைசார்ந்த திட்டமொன்றை தேசிய மக்கள் சக்தி அரசாங்கம் தயாரிக்கும்

வெளிநாட்டில் பணியாற்றுகின்ற இலங்கையர் எதிர்நோக்குகின்ற பிரச்சினைகளுக்கு தமது ஆட்சியின் கீழ் தீர்வு வழங்கப்படும் என, தேசிய மக்கள் சக்தியின் தலைவர், ஜனாதிபதி வேட்பாளர் அநுர குமார திசாநாயக்க தெரிவித்தார்.

வெளிநாடு சென்றுள்ள இலங்கையர்களுக்கான வேலைத்திட்ட வெளியீட்டு நிகழ்வு ஸ்ரீ ஜயவர்தனபுரவில் உள்ள ஹோட்டலில் ஞாயிற்றுக்கிழமை (01) இடம்பெற்ற போது, அங்கு உரையாற்றுகையில் அவர் இதனை கூறியுள்ளார்.

அங்கு அவர் உரையாற்றுகையில், "வருமானத்தை ஈட்டிக்கொள்ளும் நோக்கத்துடனே மிக அதிகமானோர் வெளிநாட்டுத் தொழில்களுக்குச் செல்கிறார்கள். ஒரு சிலர் தமது வாழ்க்கையின் அடுத்த கட்டத்துக்குச் செல்வதற்காகவும், சிறந்த தொழிலை மேற்கொள்வதற்காகவும், தமது பிள்ளைகளின் சிறப்பான கல்விக்காகவும் வெளிநாடு செல்கிறார்கள்.