"சுருங்கிய பொருளாதாரமே நாட்டில் காணப்படுகிறது"

2033ஆம் ஆண்டிலிருந்து எமது நாட்டின் கடனை அடைக்குமாறு சர்வதேச நாணய நிதியம் தெரிவித்திருந்த நிலையில், கடந்த அரசாங்கமும் முன்னைய ஜனாதிபதியும் அதனை நிராகரித்ததோடு 2028ஆம் ஆண்டிலிருந்து கடனை செலுத்தும் இணக்கப்பாட்டை எட்டியது. எனவே, 2028 முதல் கடனை செலுத்துவதற்கு போதுமான கையிருப்புக்களை நாடு கொண்டிருக்க வேண்டும்.

கையிருப்பு தானாகச் சேராது. இதற்கு ஏற்றுமதி சார்ந்த பொருளாதாரத்தை வலுப்படுத்தி, நாட்டின் பொருளாதாரத்தை மேம்படுத்த வேண்டும் என்றும் சஜித் பிரேமதாச தெரிவித்தார்.

கம்பஹா, கிரிதிவெல் பிரதேசத்தில் அமைந்துள்ள ஹர்ஷன ராஜகருணாவின் இல்லத்தில் ஞாயிற்றுக்கிழமை (13) நடைபெற்ற மக்கள் சந்திப்பில் கலந்து கொண்டு உரையாற்றும் போதே ஐக்கிய மக்கள் சக்தியின் தலைவர் சஜித் பிரேமதாச குறிப்பிட்டார்.

மேலும், நமது நாட்டில் சுருங்கிய பொருளாதாரமே காணப்படுகிறது.

இந்த பொருளாதாரம் விரிவடையும் போது நாட்டுக்குப் பணமும் அந்நிய செலாவணியும் கிடைக்கும்.