தங்க இரசாயனத்தை குடித்த குழந்தை பலி

தீபாவளி பண்டிகையைக் கொண்டாடுவதற்காக உறவினர் வீட்டுக்குச் செல்லவிருந்த இரண்டு வயதும் பதினொரு மாதங்களேயான ஆண் குழந்தையொன்று தனது தந்தைக்குச் சொந்தமான தங்கத்தை மெருகூட்டுவதற்குப் பயன்படுத்தப்படும் இரசாயன திரவத்தை (கொப்பர் அமிலம்) குடித்து உயிரிழந்துள்ளதாக கம்பளை கலஹா பொலிஸார் தெரிவித்துள்ளனர்.

கலஹா தெல்தோட்டையைச் சேர்ந்த பிரதீபன் ரத்னீஸ் என்ற குழந்தையே இவ்வாறு உயிரிழந்துள்ளது.

குழந்தையின் தந்தை ராஜாமணி பிரதீபன் (வயது 38) தெல்தோட்டையில் தங்க வியாபாரம் செய்து வருகிறார்.

இவரது மனைவி அல்லிராணி (வயது 30) தனது மூன்று குழந்தைகளுடன் தீபாவளியைக் கொண்டாடுவதற்காக உறவினர் வீட்டுக்குச் செல்வதற்காக மாலை ஐந்து மணியளவில் இந்த வணிக வளாகத்திற்கு வந்தார்.