"இன் முரண்பாடுகளை ஏற்படுத்த முயற்சி"

வடக்கு, கிழக்கில் இடம்பெற்ற மாவீரர் தின அனுஷ்டிப்புக்களைத் திட்டமிட்ட வகையில் திரிபு படுத்தி வடக்கு - தெற்குக்கிடையில் இனவாத முரண்பாடுகளை ஏற்படுத்தும் வகையில் சமூக வலைத்தளங்களில் புகைப்படம் மற்றும் காணொளிகளைப் பதிவேற்றம் செய்தவர்களில் இருவர் புதிய ஜனநாயக முன்னணியின் செயற்பாட்டாளர்கள் என பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சர் ஆனந்த விஜேபால தெரிவித்தார்.

பாராளுமன்றத்தில் புதன்கிழமை (04) விசேட கூற்றை முன்வைத்து உரையாற்றுகையிலேயே இவ்வாறு தெரிவித்த அவர் மேலும் உரையாற்றுகையில், நாட்டில் கடந்த இரு வாரங்களில் இடம்பெற்ற கைதுகள் மற்றும் அதற்கான காரணங்களைச் சபைக்கு அறிவிப்பதாகத் தெரிவித்திருந்தேன்.

வடக்கு, கிழக்கில் அண்மையில் இடம்பெற்ற மாவீரர் தின அனுஷ்டிப்பு நாட்டில் பிரதான பேசுபொருளாகவுள்ளது. உயிரிழந்த தமது உறவுகளை நினைவுகூரும் உரிமை உ அனைவருக்கும் உண்டு. வடக்கு மற்றும் கிழக்கு, தெற்கு உட்பட அனைத்து மாகாணங்களுக்கும் இந்த உரிமை உண்டு. நாங்கள் இன்றும் இந்த நிலைப்பாட்டில்தான் உள்ளோம்.