வடக்கு, கிழக்கில் அலை மாறினால் “நிலை மாறும்”

நாட்டில் ஏற்பட்டுள்ள இனப் பிரச்சினை தீர்க்கப்பட்டு, பயங்கரவாத தடைச் சட்டம் முற்றாக ஒழிக்கப்பட்டால் ஜனாதிபதி அனுரகுமார திசாநாயக்க தலைமையிலான அரசாங்கம் பொருளாதார ரீதியில் அச்சப்பட வேண்டிய அவசியம் ஏற்படாது என வன்னி மாவட்ட பாராளுமன்ற உறுப்பினர் செல்வம் அடைக்கலநாதன் தெரிவித்துள்ளார்.

மன்னாரில் உள்ள அலுவலகத்தில் புதன்கிழமை (01) இடம்பெற்ற ஊடக சந்திப்பில் கருத்து தெரிவிக்கையிலேயே இவ்வாறு குறிப்பிட்டுள்ளார்.

மேலும் அவர் தெரிவிக்கையில், புலம்பெயர்ந்துள்ள எம் உறவுகளின் மூலமாக எம் நாட்டை உயர்த்துவதற்கான வாய்ப்புகள் உள்ளன. எனவே, நாட்டில் ஏற்பட்டுள்ள இனப்பிரச்சினை தீர்க்கப்பட்டு பயங்கரவாத தடைச் சட்டம் முற்றாக ஒழிக்கப்பட வேண்டும். இதை ஜனாதிபதி கருத்தில் கொள்ள வேண்டும்.