ஜூ சியாட் வட்டாரத்தில் அதிரடிச் சோதனை; 15 பேர் கைது

ஜூ சியாட் வட்டாரத்தில் உள்ள பொழுதுபோக்கு இடங்களில் காவல்துறையின் பல்வேறு பிரிவுகள் ஒன்றிணைந்து நடத்திய அதிரடி சோதனையில் 15 பேர் கைது செய்யப்பட்டுள்ளனர்.

கைதானவர்களில் 12 ஆண்களும் மூன்று பெண்களும் அடங்குவர்.

அவர்கள் 19 வயதுக்கும் 63 வயதுக்கும் இடைப்பட்டவர்கள்.

பல்வேறு குற்றங்கள் தொடர்பாக அவர்கள் கைது செய்யப்பட்டனர்.

தகுந்த வேலை அனுமதிச் சீட்டு இல்லாமல் பணிபுரிந்தது, குடிபோதையில் வாகனம் ஓட்டியது, தகுந்த உரிமம், காப்புறுதித் திட்டம் இல்லாமல் வாகனம் ஓட்டியது, போதைப்பொருள் உட்கொண்டது, போதைப்பொருள் வைத்திருந்தது, ஆயுதங்கள் வைத்திருந்தது போன்ற குற்றங்களை அவர்கள் புரிந்திருக்கக் கூடும் என்று சந்தேகிக்கப்படுகிறது.