உதவிக்கரம் நீட்ட சண்டை நிறுத்தம் வேண்டும்: விவியன்

மியன்மார் நிலநடுக்கம்: மரண எண்ணிக்கை தொடர்ந்து அதிகரிப்பு

- 

மியன்மாரை மிகப் பெரிய நில நடுக்கம் சீரழித்துள்ள நிலையில், அந்நாட்டுக்கு முழுமையாக உதவ அங்கு நடக்கும் உள்நாட்டு போரில் உடனடி சண்டை நிறுத்தத்திற்குச் சிங்கப்பூர் வெளியுறவு அமைச்சர் விவியன் பால கிருஷ்ணன் அறைகூவல் விடுத்துள்ளார்.

ஆசியான் நாடுகளின் வெளியுறவு அமைச்சர்கள் கூட்டிய அவசரக் கூட்டத்தில் ஞாயிற்றுக்கிழமை (மார்ச் 30) பேசிய டாக்டர் விவியன் மேற்கண்டவாறு கூறினார்.

முன்னதாக, நிலநடுக்க பாதிப்பில் சிக்கித் தவிக்கும் மியன்மாருக்கு அனைத்துலக உதவி பெருகி வருவதாக தெரிவிக்கப்படுகிறது. பல அண்டை நாடுகள் நிவாரணப் பொருள்கள், உதவிக் குழுக்கள் அடங்கிய போர்க்கப்பல்கள், விமானங்களை அனுப்பி வைத்து வருகின்றன.