சிங்கப்பூர் சாதனைப் புத்தகத்தில் சிக்காட்டம்

துடும்பு என்றழைக்கப்படும் பெரிய மேளக்கருவியை இசைத்தபடி ஆடப்படுவது துடும்பாட்டம் எனும் தமிழர் ஆடற்கலை. அதிலிருந்து தோன்றியது சிக்காட்டம்.

- ஷர்வேஸ்வரி சரவணன்

இது, நாட்டுப்புறக் கலைவிடிகளில் ஒன்றாகக் கருதப்படுகின்றது.

மரபுக் கலைகள் என்றவுடன் பரவலாக மக்கள் நினைவில் வந்து நிற்பவை ஒயிலாட்டம், மயிலாட்டம், கரகாட்டம் போன்றவையே.

எனினும் மக்கள் வாழ்வோடு ஒன்றிணைந்து மக்களிசையின் பரிணாமமாய் திகழும் கலைகளில் முக்கிய இடம் வகிக்கின்றது சிக்காட்டம்.

தமிழகத்தின் பொள்ளாச்சியில் பிரபலமான சிக்காட்டம் காலங்காலமாகக் காட்டு விலங்குகளை விரட்டியடிக்கப் பயன்படுத்தப்பட்டது.

சிக்காட்டத்தின்போது துடும்பு, பறை போன்ற வெவ்வேறு வகையான கிராமியத் தோல்கருவிகளை அடித்து எழுப்பப்படும் துடிப்புமிக்க இசையொலி, ஆறு வயது முதல் அறுபது வரை யிலான பார்வையாளர்களை இருக்கையில் அமரவிடாது எழுந்து ஆடவைக்கும் என்றால் அது மிகையன்று.

அப்படிப்பட்ட தருணத்தை ஏற்றுக்கொண்டது மார்ச் 23ஆம் தேதி இடம்பெற்ற ஏகேடி குழுவின் சிக்காட்டம்.