జర్మనీలో ఉన్నత విద్య

విదేశాలలో చదవడం అంటే ఎంతో ఖర్చుతో కూడుకున్న పని. పైగా లక్షలలో ఫీజ్ ఉంటుంది.

- - ఈ.ఎస్.మాధవన్

విదేశాలలో చదవడం అంటే ఎంతో ఖర్చుతో కూడుకున్న పని. పైగా లక్షలలో ఫీజ్ ఉంటుంది. మరి ఫీజు లేకుండా చదవగలగడం నమ్మలేరు కదా! ఔను జర్మనీలో చదవడానికి ఫీజ్ వసూలు చేయరు నిజం, నమ్మండి మరి.

గత సంవత్సరం.లెక్కల ప్రకారం సుమారు యాభైవేల మంది మన విద్యార్థులు చదవడం కోసం జర్మనీ వెళ్లారు. ఎక్కువగా నర్సింగ్ చదువుల కోసం వెళ్లారు. పదహారు రాష్ట్రాల కలయిక ఫెడరల్ రిపబ్లిక్ ఆఫ్ జర్మనీ. ప్రపంచయుద్ధాన్ని ముందుండి నడిపింది. సాంకేతికపరంగా ఎంతో ఎదిగి ఐరోపాలోనే శక్తివంతమైన దేశంగా మారింది జర్మనీ. అందుకే మన దేశం నుండి విద్యార్థులు చదవడానికి, ఉద్యోగం కోసం జర్మనీకి వెళ్తున్నారు.యూరోపియన్ యూనియన్ లో భాగం అయిన జర్మనీ జనాభాపరంగా, ఆర్థికంగా మొదటిస్థానంలో ఉంది. ఇక్కడ కరెన్సీ యూరో. రాజధాని బెర్లిన్ పెద్ద నగరం కూడా. డ్రెస్డెన్, లీష్టిగ్, మునిచ్, హంబర్గ్, ఫ్రాంక్ఫర్ట్, కొలోన్, డస్సెల్డోర్స్, స్టాట్గార్త్, నూరేన్బర్గ్ ఇతర ప్రధాన నగరాలు జర్మనీలో ఉన్నాయి.