బాలోత్సాహం

అనిరుద్ తన స్నేహితులతో ప్రతిరోజూ సాయంత్రం సమీపాన ఉన్న ఉద్యానవనంలో ఆడుకుంటాడు

- - షేక్ అబ్దుల్ హకీం జాని

అనిరుద్ తన స్నేహితులతో ప్రతిరోజూ సాయంత్రం సమీపాన ఉన్న ఉద్యానవనంలో ఆడుకుంటాడు. ఎంతో ఉల్లాసంగా గడిపి ఇంటికి వెళ్లి స్నానం చేసి, కొద్దిసేపు చదువుకుని, ఆ తరువాత భోజనం చేసి నిద్రపోయేవాడు. కొద్దిరోజుల తరువాత అనిరుద్ బాలో స్నేహితుల వద్దకు రావడం లేదు. కారణం ఏమిటని స్నేహితులు వాకబు చేశారు.'అనిరుద్ మనతో ఆడుకోవడానికి ఎందుకు రావడం లేదు?' తోటి మిత్రులను ప్రశ్నించాడు గోపాల్.'వాళ్ల నాన్నకు వ్యాపారంలో బాగా కలిపి వచ్చిందం ట. అనిరుద్ కార్లలోనే తిరుగుతున్నాడు. ఇంట్లో సెల్ఫోన్లో గేమ్స్ ఆడుతున్నాడు' అని బదులిచ్చాడు. జయరాం.

'మనం వెళ్లి అనిరుద్ను ఒకసారి కలిసి మాట్లాడ దాం?' అని సలహా ఇచ్చాడు మల్లేష్. స్నేహితులంతా కలిసి అనిరుద్ ఇంటికి వెళ్లారు.

'మిత్రమా! నువ్వు మాతో ఆడుకోవడానికి ఎందుకు రావడం లేదు?' ప్రశ్నించాడు కిరణ్.