ప్రేమ ఓ గొప్ప అనుభవం

నన్ను ప్రేమించడం అంత సులభం కాదు. నా మదిలో నాకంటూ ఓ సొంత ప్రపంచం ఉంది. లోపలంతా అస్తవ్యస్తంగా ఉంది.

-  - యామిజాల జగదీశ్

నన్ను ప్రేమించడం అంత సులభం కాదు. నా మదిలో నాకంటూ ఓ సొంత ప్రపంచం ఉంది. లోపలంతా అస్తవ్యస్తంగా ఉంది.

నన్ను ప్రేమించాలంటే నువ్వు నన్ను బాగా అర్థం చేసుకోవడం నేర్చుకోవాలి.

నువ్వు నాతో అన్ని వేళలా ఓపికతో ఉండాలి. నేనెప్పుడూ కాస్తంత ఎక్కువగానే ఆలోచిస్తాను. నేను చాలా సులభంగా గాయపడతాను. నువ్వు నన్నెలా బాధపెట్టావో మరచిపోయే వ్యక్తిని కాను. కనుక నువ్వు నా మనసుని గాయపరచకుండా చూసుకోవాలి.

అందుకే అంటున్నా.. నన్ను ప్రేమించడం అంత తేలిక కాదని.కారణం నేనెంతగానో గాయపడ్డాను.

నన్ను ప్రేమించాలంటే నువ్వు నా అస్తవ్యస్తమైన ప్రపంచంలోకి రావడానికి సిద్ధపడాలి.

అది అంత సులభం కాదని నువ్వు అర్థం చేసుకోవాలి. రాత్రి ప్రశాంతంగా ఉండటానికి నీ నుంచి నాకు స్థిరమైన హామీ అవసరం.

నన్ను విడిచిపెట్టిపోతున్న ప్రతిసారీ నేను సురక్షితంగా ఉండేలా ఏదో ఒకటి చెప్పిపోవాలి. అంటే నాకా మాట ఎలా ఉండాలంటే నాకు విలువైన అనుభూతిని కలిగించాలి. కనుక నువ్వే ఆ విలువేంటో తెలుసుకోవాలి. నువ్వెప్పుడూ గుర్తుంచుకోవలసినవి చిన్న చిన్న విషయాలు మాత్రమే.