నిర్ణయం

సింగిల్ పేజీ కథ

- జి.మధుమురళి

బైక్ వేగంగా నడుపుతున్నాడు.సురేష్ ఉత్సాహంగా. వెనుక కూర్చున్నది సరిత. సురేశ్, సరిత ఇద్దరూ కాలేజీలో ప్రేమించుకున్నారు. ఇద్దరి చదువైపోయి, ఉద్యోగాలు వచ్చిన తరువాత వారి ప్రేమ కొనసాగుతూనే వుంది. ఇద్దరి ఇళ్లల్లో చూచాయగా తెలిసినా, కులం వేరైనా మంచి సంబంధం కావడంతో ఆలోచిస్తున్నారు.

"వేగం వద్దు, మెల్లిగా పోనియ్యి" అన్నది సరిత, సురేత్తో.మనం బైక్ ఎక్కాక బైక్కి కూడా హుషారెక్కి వేగంగా పోతోంది" అన్నాడు నవ్వుతూ సురేశ్.

"రోడ్డంతా రద్దీగా వుంది, జాగ్రత్త" అంటూ మళ్ళీ హెచ్చరించింది సరిత. అలా మాట్లాడుకుంటూ సరదాగా వెళుతున్నారు.

వీరి జంటను చూసి విధికి కన్ను కుట్టిందేమో. ఒక మలుపులో కారు రూపంలో దూసుకు వచ్చింది. ఇద్దరూ గట్టిగా బ్రేకులు వేసినా ప్రమాదం తప్పలేదు. కారు గుద్దుకోవటం, సురేశ్ సరితలు ఎగిరి పడటం జరిగింది.చుట్టుపక్కలవారు వెంటనే అంబులెన్స్ కి ఫోన్ చేసి హాస్పిటల్లో చేర్పించి, వారి సెల్ఫోన్ ఆధారంగా ఇద్దరి కుటుంబ సభ్యులకు తెలిపారు. అందరు హాస్పిటల్కు చేరుకున్నారు. జరిగిన సంఘటనలో ఎవరి తప్పూ లేదు కనుక ఎవరికీ ఏమీ కాదని ఒకరినొకరు ఓదార్చుకుంటూ డాక్టర్ కోసం చూస్తున్నారు. డాక్టర్ రాగానే అందరూ ఆయన చుట్టూ చేరారు. ప్రమాదమేమీ లేదు కదా డాక్టర్గారూ" అని అడిగాడు.సరిత తండ్రి కన్నీళ్లు తుడుచుకుంటూ.