చెరువు మధ్యలో దీవి

ఏ పంటకైనా నీళ్లు అవసరం. నీరే ప్రతిజీవికి ప్రాణం. మరి పంటలకు నీరు లేకపోతే చేతికొచ్చిన పంట దెబ్బతింటుంది. నష్టాలు చవిచూడాల్సి వస్తుంది.

ఏ పంటకైనా నీళ్లు అవసరం. నీరే ప్రతిజీవికి ప్రాణం. మరి పంటలకు నీరు లేకపోతే చేతికొచ్చిన పంట దెబ్బతింటుంది. నష్టాలు చవిచూడాల్సి వస్తుంది. ఈ పరిస్థితి రాకుండా ఉండేందుకు ఓ గ్రామప్రజలు పూడిపోయిన చెరువుకు పూడిక తీసి, గ్రామాన్ని సశ్యశ్యామలంగా చేసుకున్నారు. తమ పంటలకు కావాల్సినంత నీటిని పొందగల్గు తున్నారు. ఇతరులకు ఆదర్శంగా నిలిచారు. తెలుగు రాష్ట్రాలకి కోనసీమ ఎలాగో... తమిళనాడుకి అలా కావెరీ నది పరివాహక ప్రాంతమది. అంత పచ్చటి ప్రాంతం 2018 నాటి గజతుపానుకి చిన్నాభిన్నమైంది.ముఖ్యంగా సముద్ర తీర ప్రాంతంలో... దాదాపు కోటి కొబ్బరి చెట్లు నేలకూలాయి. వాటిని కొనమ్ముకున్న వేల కుటుంబాలు వీధినపడ్డాయి.ఆ వార్తలు దేశవిదేశాల్లో ఉంటున్న ఆ ప్రాంత యువకులు కొందర్ని కదిలించేశాయి. ఉండబట్టలేక స్వస్థలానికి వచ్చేశారు.తలాకొంత వేసుకుని కట్టుబట్టలతో మిగిలిన తమ బంధుమిత్రులకి సాయం చేయడం మొదలుపెట్టారు. వచ్చిన వారం తర్వాత అక్కడున్న రైతులతో సమావేశం ఏర్పాటుచేశారు.