ఈత ఆవశ్యకత

సిద్ధవరం అనే గ్రామానికి చెందిన చెరువు ఈత కొడుతున్న పిల్లల కేరింతలతో కోలాహలంగా ఉంది.

- - గుండ్రాతి సుబ్రహ్మణ్యం గౌడు

సిద్ధవరం అనే గ్రామానికి చెందిన చెరువు ఈత కొడుతున్న పిల్లల కేరింతలతో కోలాహలంగా ఉంది. ఈత భలే సరదానిస్తుంది. అందుకే ఎంతసేపటికి పిల్లలు నీటి నుంచి బయటికి రారు. చెరువులో ఇండియా, పాకిస్తాన్ యుద్ధం జరుగుతోంది. యుద్ధం తుపాకులతో కాదు. అది ఒక సరదా ఆట. ఇండియా అని పేరు పెట్టుకున్న తీరం వైపు కొందరు, పాకిస్తాన్ అని పేరు పెట్టుకున్న తీరం వైపు మరికొందరు ఈ ఆటలో పాల్గొంటారు. మొదట ఇరు వర్గాలవారు చెరువులో మధ్యలోకి ఎదురు ఎదురుగా వస్తారు. ఇరు వర్గాలవారు ఒకరిపై ఒకరు చేతులతో నీళ్లు జల్లుకుంటూ పోరాటం చేస్తారు. ఏ వర్గంవారి బలం ఎక్కువ ఉంటే ఆ వర్గం వారు ముందుకు దూసుకుపోతారు. ఏ వర్గం వారు అయితే ఎదుటి వర్గంవారిని వారి తీరం వైపు పారిపోయేలా తరిమి కొడితే వాళ్లు గెలిచినట్లు లెక్క. ఇలా చెరువులో వివిధ రకాల ఆటలు ఆడుతూ ఉంటారు, మరో తీరం వైపు గురుమూర్తి అనే ఒక గురువు ఈత రాని పిల్లలకి శిక్షణ ఇస్తూ ఉంటాడు. ఒక్కడు చెరువుగట్టును కూర్చ