രാഹുദോഷമകന്നാൽ കഷ്ടകാലം കഴിഞ്ഞു

ജാതകാൽ ഒരാളെ ബാധിക്കാവുന്ന ഏറ്റവും കഠിനദോഷം രാഹു കേതുദോഷവും, ഗുളികദോഷവുമാണ്.ശനിദോഷം പോലും അത്ര കഠിനമല്ല. ഗുണദോഷസമ്മിശ്രമായിരിക്കും. വിവാഹ തടസ്സം, സന്താനദോഷം, സ്വഭാവ ദൂഷ്യം, മാരകരോഗങ്ങൾ, എത്ര പ്രയ ത്നിച്ചാലും ഫലമുണ്ടാകാതെ വരിക, കുടുംബദോഷം, നാഗ ശാപം, കാളസർപ്പയോഗം ഇവയൊക്കെ സർപ്പദോഷത്തിന്റെ അനന്തഫലങ്ങളാണ്.

- ജ്യോതിഷരത്നം കാടാമ്പുഴ തിരുമേനി 8921709017

വിപ്രചിത്തി മഹർഷിയുടെയും സിംഹികയുടെയും പുത്രനായിരുന്നു സംഹികേയൻ എന്ന അസുരൻ. പാലാഴിമഥനത്തിനു ശേഷം അസുരൻമാർ അമൃതകുംഭം തട്ടിയെടുക്കുകയും വിഷ്ണു മോഹിനീവേഷം പൂണ്ട് അവരെ കബളിപ്പിച്ച് അമൃത് ദേവൻമാർക്ക് വിളമ്പുകയും ചെയ്തല്ലോ? ആ ഊട്ടു പുരയിൽ വൃദ്ധബ്രാഹ്മണവേഷത്തിൽ സൈംഹികേയനുമെത്തി അമൃത് വിഴുങ്ങുകയും ചെയ്തു. ദ്വാര പാലകൻമാരായി നിന്ന് സൂര്യ ചന്ദ്രൻമാർ ഈ വൃദ്ധ ബ്രാഹ്മണന്റെ തനിസ്വരൂപം മനസ്സിലാക്കി വിഷ്ണുവിനെ വിവരം ധരിപ്പിച്ചു. വിഷ്ണുവിന്റെ ചക്രായുദ്ധം സൈംഹികേയന്റെ കഴുത്തറുത്തു. ഉടൻ എന്നാൽ അസുരൻ വിഴുങ്ങിയ അമൃതിന്റെ പകുതി കത്തിനു മുകളിലും പകുതി കത്തിനു താഴെയും തങ്ങി നിൽക്കാൻ ഇടയായതിനാൽ ഉടലും തലയും വേർപ്പെട്ട് ഇതിൽ ശീരോഭാഗം രാഹു വെന്നും, അധോഭാഗം കേതുവെന്നും അറിയപ്പെടുന്നു. രാഹുവിന് കഴുത്തിന് താഴെ സർപ്പാകൃതിയുണ്ട്. കേതുവിന് കഴുത്തിന് മുകളിൽ സർപ്പശിരസ്സും. രാഹുവിനെ ഇക്കാരണത്താൽ സർപ്പി എന്നു വിളിക്കുന്നു. രാഹുവിനെക്കുറിച്ച് കൂടുതൽ അറിയണമെങ്കിൽ കേതുവിന്റെ കാര്യങ്ങൾ മനസ്സിലാക്കണം, മറിച്ചും.