ഒന്നും ഉപയോഗശൂന്യമല്ല; ആരും ഉപയോഗശൂന്യരുമല്ല

ഏവരേയും സദ് പാതയിലേക്ക് നയിക്കുക

- സംഗീത മധു

ഗുരുകുല വിദ്യാഭ്യാസ സമ്പ്രദായം നിലനിന്നിരുന്ന കാലം. നിശ്ചിതകാലത്തെ അധ്യ യനത്തിനുശേഷം ശിഷ്യന്മാർ ഗുരുവിന്റെ അനുഗ്രഹം വാങ്ങാൻ അദ്ദേഹത്തിന്റെ സമീപമെത്തി.

"ഗുരുദേവാ അങ്ങേയ്ക്ക് ഗുരു ദക്ഷിണ സമർപ്പിക്കാൻ ഞങ്ങൾ ആഗ്രഹിക്കുന്നു. ആഗ്രഹമെന്തുമായിക്കൊള്ളട്ടെ. അങ്ങ് ചോദിച്ചോളൂ.

ശിഷ്യന്മാർ വളരെ അലക്ഷ്യമായി ഗുരുദക്ഷിണയുടെ കാര്യം ചോദിച്ചപ്പോൾ അവരെ ഒരു പാഠം പഠിപ്പിക്കാൻ ഗുരു തീരുമാനിച്ചു.

"ശിഷ്യന്മാരേ, നിങ്ങളെല്ലാവരും അടുത്തുള്ള കാട്ടിലേക്ക് പോകണം. അവിടെ നിന്നും ആർക്കും ഒരു രീതിയിലും പ്രയോജനപ്പെടാത്ത ഒരു വസ്തു ഉണ്ടങ്കിൽ അത് കണ്ടെത്തി എനിക്ക് കൊണ്ടുവരൂ.