നന്മ-തിന്മകളെ തിരിച്ചറിയാം...

ഭഗവാൻ കൃഷ്ണൻ അർജ്ജുനന് നൽകുന്ന ഉപദേശങ്ങൾ നമുക്കും ജീവിതത്തിൽ പകർത്താവുന്നതാണ്

- എസ്.പി.ജെ

1. ഒന്നിനേയും ഭയക്കാതിരിക്കുക.

സർവ്വരുടേയും ഏറ്റവും വലിയ ഭയമാണ് "മരണഭയം. ഭഗവാൻ കൃഷ്ണൻ അർജ്ജുനനോട് മരണത്തെപ്പോലും ഭയക്കരുത് എന്നാണ് ഉപദേശിക്കുന്നത്. മരണം എന്നത് കടന്നുപോകൽ മാത്രമാണ്. നശ്വരമായതിന് മാത്രമാണ് മരണം സംഭവിക്കുന്നത്. അനശ്വരമായതിന് മരണമില്ല. സമ്പത്തും ബന്ധങ്ങളും സുഖ സൗകര്യങ്ങളും തുടങ്ങി ലോകത്തിൽ സർവ്വതും നശ്വരമാണ്. ഭയം അവസാനിക്കുന്നിടത്ത് ജീവിതം സുന്ദരമാകുന്നു.

2. ഒന്നിനേയും സംശയിക്കാതിരിക്കുക.

പ്രപഞ്ചത്തിൽ ജീവിക്കുമ്പോൾ മനുഷ്യന്റെ സമാധാനവും സന്തോഷവും നഷ്ടപ്പെടുത്തുന്ന പ്രധാനപ്പെട്ട കാര്യമാണ് അകാരണമായ സംശയം. സംശയാലുവായ ഒരാൾക്ക് ഈ ലോകത്തിലോ വരും ജന്മത്തിലോ സമാധാനമായി ജീവിക്കാനാവില്ല. അതേസമയം അവനെത്തന്നെ കണ്ടെത്താനുള്ള ജിജ്ഞാസയെ സംശയമായി തെറ്റിദ്ധരിക്കരുത്. തത്വചിന്തകരുടെ നിർദ്ദേശങ്ങളും പണ്ഡിതരുടെ വാക്കുകളും തള്ളിക്കളയരുത്.

3. വിഷയാസക്തിയിൽ നിന്ന് മോചനം നേടുക.

ലൗകിക ജീവിതത്തിൽ ഉണ്ടാ കുന്ന സർവ്വ വിഷയാസക്തിക ളിൽ നിന്നും മോചനം നേടുക.

കാമം, ക്രോധം തുടങ്ങി എണ്ണി യാൽ ഒടുങ്ങാത്ത സർവ്വവിഷയ ങ്ങളിൽ നിന്നും മുക്തമാകു മ്പോൾ മാത്രമാണ് ശാന്തതയും സ്വസ്ഥതയും അനുഭവവേദ്യമാ കുന്നത്. ശാന്തമായ മനസ്സിന് ജ്ഞാനവും സമാധാനവും മനഃശാന്തിയും കൈവരിക്കാനാകും.