ഇന്ന് എന്നതുമാത്രമാണ് യാഥാർത്ഥ്യം; നാളെയെന്നത് വെറും സങ്കൽപ്പം

ഇപ്പോഴത്തെ നിമിഷം മാത്രമാണ് യാഥാർത്ഥ്യമെന്ന് തനിക്ക്ഉണർത്തിച്ചു തന്നതിൽ യുധിഷ്ഠിരൻ ഭീമന് നന്ദിയും അറിയിച്ചു.

- സംഗീത മധു

പഞ്ചപാണ്ഡവന്മാരിൽ ഏറെ ശ്രേഷ്ഠനും ധർമ്മിഷ്ഠനുമായി രുന്നു യുധിഷ്ഠിരൻ. ഒരിക്കൽ യുധിഷ്ഠിരനരികിൽ ഒരു ഭിക്ഷക്കാരൻ എത്തി. പക്ഷേ, അന്ന് വളരെ വിഷാദചിത്തനായിരുന്ന യുധിഷ്ഠിരൻ ഭിക്ഷാടകനോട് "നാളെ വാ' എന്നുപറഞ്ഞ് തിരിച്ചയയ്ക്കുകയാണ് ചെയ്തത്. യുധിഷ്ഠിരന്റെ ഈ പെരുമാറ്റം ഭീമൻ ശ്രദ്ധിക്കുന്നുണ്ടായിരുന്നു.

ഭിക്ഷക്കാരനോട് അടുത്ത ദിവസം വരാൻ യുധിഷ്ഠിരൻ പറഞ്ഞ ആ നിമിഷം തന്നെ ഒരു ചെണ്ടയുമെടുത്തുകൊണ്ട് ഭീമൻ ഗ്രാമം ലക്ഷ്യമാക്കി ഓടാൻ തുടങ്ങി. ഭീമനെ തടഞ്ഞുകൊണ്ട് യുധിഷ്ഠിരൻ ചോദിച്ചു.