ജീവിതസായാഹ്നത്തിൽ കരുതേണ്ട ധനം

ചുണ്ടുകൾ മാത്രമല്ല, മനസ്സും ആത്മാർത്ഥമായി ഈശ്വരനാമം ഉച്ചരിക്കുമ്പോൾ മാത്രമേ ശേഷകാലത്തേയ്ക്കുള്ള ധനം നമ്മളാൽ സമ്പാദിക്കാനാവൂ

- സംഗീത മധു

കയ്യിൽ ഒരു പൊതിയുമായി അതിഗംഭീര ഭാവത്തോടു കൂടി വീട്ടുപടിക്കൽ വന്നിരിക്കാറുള്ള പതിവ് ഒരു ധനികനുണ്ടായിരുന്നു. അങ്ങനെയിരിക്കെയാണ് നിർദ്ധനനായ ഒരാൾ വീടിന് മുമ്പിലൂടെ നടന്നുപോകുന്നത് ധനികൻ കണ്ടത്.

അയാൾ ആ ദരിദ്രനെ തന്റെ അടുക്കലേക്ക് വിളിച്ചു. നിസ്സംഗതയോടെ ദരിദ്രൻ ധനികന്റെ മുമ്പിൽ വന്നുനിന്നു.

"നോക്കൂ, നിന്നെക്കാളും വിഡ്ഢിയും ദരിദ്രനുമായ ഒരാളെ എനിക്ക് ഇന്ന് കണ്ടത്താനായില്ല. അതുകൊണ്ട് ഈ പൊതി ഞാൻ നിന്നെ ഏൽപ്പിക്കുകയാണ്' എന്നുപറഞ്ഞുകൊണ്ട് ധനികനത് ദരിദ്രനെ ഏൽപ്പിച്ചു.

"യജമാനേ, ഈ പൊതി കൊണ്ട് ഞാനെന്താണ് ചെയ്യേണ്ടത്?' ദരിദ്രന്റെ ചോദ്യത്തിന് ധനികൻ മറുപടി നൽകി.