ജാതകത്തിൽ രോഗങ്ങൾ തിരിച്ചറിയാം

ഗ്രഹങ്ങളുടെ ചാരഗതി പിഴച്ചാൽ മനുഷ്യർക്ക് ക്ലേശങ്ങൾ അനുഭവപ്പെടുന്ന ഗ്രഹസ്ഥിതി വന്ന് പെട്ട് വാതം പിത്തം, കഫം എന്നീ ദോഷതയങ്ങൾ ഇളകുകയും അതിൽ നിന്ന് രോഗങ്ങൾ ഉണ്ടായി തീരുകയും ചെയ്യുന്നു

- ജ്യോതിഷി പ്രഭാസീന സി.പി

മുൻജന്മങ്ങളിൽ ചെയ്ത പാപകർമ്മങ്ങൾ ഈ ജന്മത്തിൽ രോഗങ്ങളായി ആവിർഭവിക്കുന്നു എന്നു ജ്യോതിഷം പറയുന്നു. ഇങ്ങനെ മുജ്ജന്മത്തിൽ ചെയ്ത പാപകർമ്മങ്ങളുടെ ഫലങ്ങളെ രോഗങ്ങളായി ജാതകത്തിൽ ഗ്രഹസ്ഥിതി കൊണ്ടു സൂചിപ്പിക്കുന്നു എന്ന്  പറയുന്നു. ആയുർവേദത്തിന്റെ അടിസ്ഥാന തത്ത്വമായ വാത - പിത്ത - കഫ (ത്രിദോഷങ്ങൾ ) സിദ്ധാന്തവുമായി യോജിക്കുന്ന നിലയിലാണിത്. ഗ്രഹങ്ങളുടെ ചാരഗതി പിഴ ച്ചാൽ മനുഷ്യർക്ക് ക്ലേശങ്ങൾ അനുഭവ പ്പെടുന്ന ഗ്രഹസ്ഥിതി വന്ന് പെട്ട് വാതം പിത്തം, കഫം എന്നീ ദോഷതയങ്ങൾ ഇളകുകയും അതിൽ നിന്ന് രോഗങ്ങൾ ഉണ്ടായിതീരുകയും ചെയ്യുന്നു.

ഒരു ജാതകത്തിലെ ഗ്രഹങ്ങളുടെ സ്ഥിതി, സൃഷ്ടി, യോഗം, കാരകത്വം എന്നിവ കൊണ്ടാണ് രോഗാവസ്ഥ അറിയുന്നത്. ശാരീരികമായ അസുഖങ്ങൾ മാത്രമല്ല മാനസികമായ അസുഖങ്ങളും ഈ കൂട്ടത്തിൽപ്പെടും. ദശാകാലത്തിന്റെ സ്വാധീനമനുസരിച്ചാണ് രോഗങ്ങൾ പ്രത്യക്ഷപ്പെടുന്നത്. ഗ്രഹങ്ങളുടെ മാരകത്വം, ദു:സ്ഥാനം, പാപത്വം എന്നിവയ്ക്കധിഷ്ഠിതമായി രോഗങ്ങളുടെ കാഠിന്യം കൂടിയും കുറഞ്ഞുമിരിക്കും. ഒരു നല്ല ജ്യോതിഷിക്ക് ഒരാളിന്റെ വിധി എന്താണെന്ന് കണ്ടു പിടിക്കാൻ കഴിയുന്നു.