అందం పెరగాలంటే ఆవిరి పట్టాలి

ముఖంలో అద్భుత సౌందర్యం పొందడానికి ఫేస్ స్టీమింగ్ ఎలా ఉపయోగ పడుతుందో తప్పకుండా తెలుసుకోవాలి.

- - పారూల్ భట్నాగర్

ఏ స్త్రీ కైనా చర్మాన్ని శుభ్ర పరచుకోవాలని, పోషించుకోవాలని ఎందుకు ఉండదు? ఇది చర్మాన్ని ఆరోగ్యంగా ఉంచడమేకాక మెరుపును ఇస్తుంది.

గ్లోయింగ్, హైడ్రేట్ స్కినికి 'ఫేస్ స్టీమింగ్' ఒక సరళమైన, సులభమైన ప్రక్రియ. దీన్ని మీరు ఇంట్లోనే చేసుకోవచ్చు. లేదా పార్లర్లో చేయించుకోవచ్చు. ఇది పోర్స్ను తెరిచి, అందులో పేరుకు పోయిన దుమ్ము, ధూళి, మురికిని శుభ్రం చేస్తుంది. చర్మాన్ని శుభ్రంగా, తాజాగా, మెరిసేలా చేస్తుంది. హైడ్రేట్గా మార్చడంలో సహాయ పడుతుంది. చర్మంలో రక్త ప్రసరణను మెరుగు పరిచి ముఖంలో కొత్త జీవం తీసుకు వస్తుంది.

ఎలాంటి ఫేస్ స్టీమింగ్

చర్మాన్ని హైడ్రేట్ చేయడం : చర్మాన్ని హైడ్రేట్ చేయడానికి కొన్ని ఎండిన కెమోమైల్ పూలు, దానికి సమాన మోతాదులో ఎండిన గులాబీ రేకులను వేసి కొద్దిగా లెమన్ జెస్ట్న కలిపి కనీసం 10 నిమిషాలు స్టీమ్ తీసుకోండి. మీ స్కిన్ హైడ్రేట్ అవుతుంది.

ఎలా పని చేస్తుంది : కెమోమైల్లోని యాంటీ ఆక్సిడెంట్ లక్షణాల కారణంగా ఇది ఫ్రీ రాడికల్స్ నుంచి చర్మాన్ని రక్షిస్తుంది. ఆరోగ్యకరమైన కణాలను పెంచుతుంది. చర్మంలో గ్లో వస్తుంది. గులాబీ రేకుల్లో విటమిన్ 'సి' ఉన్న కారణంగా ఇది చర్మ సహజ మెరుపును నిలిపి ఉంచుతుంది. కణాల్లో మాయిశ్చర్ను సీల్ చేసి చర్మాన్ని సహజంగా హైడ్రేట్ చేస్తుంది. లెమన్ జెస్ట్లో యాంటీ ఆక్సిడెంట్లు సమృద్ధిగా ఉండడంతో ఇది చర్మాన్ని డిటాక్స్ చేయడంలో సహాయపడుతుంది.

చల్లదనాన్ని ఇవ్వడానికి : చర్మానికి చల్లదనం అందించి, ఉపశమనం పొందాలనుకుంటే ఒక బౌల్ కొన్ని కీరా ముక్కలు, కెమోమైల్ టీ బ్యాగ్, కొన్ని చుక్కల ఎసెన్సియల్ ఆయిల్ వేసి 10-15 నిమిషాలు స్టీమ్ తీసుకోండి. నిమిషాల్లో చర్మంలో తేడా కనిపిస్తుంది.