பீதியை கிளப்பும் பேமெண்ட்ஸ் ஆப்ஸ்!

டிஜிட்டல் முறையில் பணப்பரிவர்த்தனை செய்ய பயன்படும் பேடிஎம் பேமெண்ட் பேங்க்ஸ் லிமிடெட் நிறுவனத்தின் செயல்பாடுகளை முடக்கி ரிசர்வ் வங்கி உத்தரவு பிறப்பித்துள்ளது பலரையும் வியப்பில் ஆழ்த்தியுள்ளது.

- பரிதி

பணமதிப்பு நீக்கத்தால் பொருளாதார பதற்றம் ஏற்பட்டபோது இந்த நிறுவனம், அந்த நடவடிக்கையை ஆதரித்து, "சுதந்திர இந்தியாவின் நிதி வரலாற்றில் துணிச்சலான முடிவு" என்று பிரதமரின் படத்தோடு முழுப் பக்க விளம்பரம் கொடுத்து மீடியாவை கவர்ந்தது. அக்காலகட்டத்தில் மக்களின் பணப்புழக்கத்துக்கும் பேடிஎம் முக்கிய கருவியாக இருந்தது.

ஆனாலும் பிரதமரை ஐஸ் வைத்ததால் தான் இந்த நிறுவனத்திற்கு ஒன்றிய அரசு நிறைய வாய்ப்புகளை கொடுத்தது என்ற பேச்சுண்டு.

அந்த சமயத்தில் பணத்தை நாங்கள் மாற்றி தருகிறோம் என்று அதிகளவிலான பணத்தை அந்நிறுவனம் சம்பாதித்தது.

வேடிக்கை என்னவென்றால், அந்த சமயத்தில் அந்நிறுவனம் ஒரு வங்கியே கிடையாது. ஆனால், வங்கி சேவையை செய்தது.

அதற்கு பல நாட்கள் கழித்தே அந்நிறுவனம் வங்கி சேவைக்கான உரிமத்தை பெற்றது. அந்த சமயத்தில் சீனாவின் அலிபாபா நிறுவனம் மூலம் நிறுவனத்தில் அதிக முதலீடு செய்யப்பட்டது.