கலர் கலர் உள்ளாடைகள்...கவனம்!

உள்ளாடை அழகு என்பது ஒருபுறம் இருக்க அது ஆபத்து என்பது மறுபுறம் இருக்கிறது. நாம் சௌகரியத்துக்காக அணியும் உள்ளாடைகள், உடற்பயிற்சி பனியன்களால் பல்வேறு சிரமங்கள் உருவாகலாம் என நவீன ஆய்வுகள் தெரிவிக்கின்றன.

- பரிதி

அண்ம ஆய்வில் பெண்கள் உள்ளாடையில் சுமார் 64% ஆபத்தான வேதிப்பொருட்கள் இருப்பது தெரியவந்துள்ளது. உடலுடன் ஒட்டி உறவாடுவதால் அதிலுள்ள வேதிப்பொருட்கள் சருமத்துக்குள் எளிதாக உறிஞ்சப்பட்டு உடனடியாக ரத்தத்தில் கலக்கிறது. இந்த நச்சுகள் நீண்ட காலம் தங்கி பல்வேறு உடல்நல கோளாறுகளுக்கு காரணமாகின்றன.

உள்ளாடைகளின் செயற்கை இழையாலும், அதன் வண்ணத்துக்கு பயன்படுத்தும் நிறமியாலும் ஒவ்வாமை ஏற்படுகிறது. உள்ளாடை வியர்வையில் நனைவதால் அதிலுள்ள நிறமிகளின் வேதிப்பொருட்களை எளிதாக உள்வாங்குகின்றன. இதனால், படை, கொப்புளங்களோடு, உள்ளுறுப்புகளும் பாதிப்படைகின்றன என்கிறது நவீன ஆய்வு.

இறுக்கமான உள்ளாடை புற்றுநோயை உண்டாக்கும் என்ற கருத்து 1995 ஆம் ஆண்டு சிட்னி ரோஸ் சிங்கர் மற்றும் சோமா கிரிஸ்மைஜர் எழுதிய 'டிரெஸ்டு டு கில்' என்ற புத்தகத்தில் இருந்து வெளியானது. ஒரு நாளைக்கு 12 மணி நேரம் சரடு இல்லாத பிராக்களை அணியும் பெண்களுக்கு, பிராக்கள் அணியாத பெண்களை விட மார்பக புற்றுநோய் வருவதற்கான ஆபத்து அதிகம் என்று அதில் குறிப்பிடப்பட்டிருந்தது.

இறுக்கமான உள்ளாடை நிணநீர் மண்டலத்தை கட்டுப்படுத்துவதன் விளைவாக மார்பகங்களில் நச்சுகள் குவிகின்றன என்று சிலர் கூறுகின்றனர்.