എൻജിനിൽ വെള്ളം കയറിയാൽ

അപ്രതീക്ഷിതമായി നിരവധി പ്രതിസന്ധികൾ നേരിടേണ്ടി വരും നമുക്ക്. ഒട്ടും സമയം പാഴാക്കാതെ ഉടൻ ചെയ്യേണ്ടത് എന്താണെന്നു പറയുന്ന പംക്തി. ഈ ലക്കം ജോൺസൺ ഇ. സഖറിയ എസിഡി മോട്ടോഴ്സ്, അടിച്ചിറ, കോട്ടയം

- ജോൺസൺ ഇ. സഖറിയ

കാറിന്റെ എൻജിനിൽ വെള്ളം കയറിയാൽ ഉടൻ എന്തു ചെയ്യണം?

മഴക്കാലമാണ്. വെള്ളപ്പൊക്കവും വെള്ളക്കെട്ടും ഉണ്ടായേക്കാം. കാറിനുള്ളിൽ വെള്ളം കയറാനുള്ള സാധ്യതകളും ഏറെയാണ്. ഭയം കൊണ്ടു ചെയ്തു പോകുന്ന അബദ്ധങ്ങൾ പലപ്പോഴും വലിയ കുഴപ്പങ്ങളുണ്ടാക്കും. അതുകൊണ്ടു തന്നെ മുൻകരുതലോടെ വേണം അത്തരം സാഹചര്യങ്ങൾ നേരിടാൻ.

വെള്ളക്കെട്ടിലൂടെ വാഹനം ഓടിക്കാതിരിക്കുന്നതാണ് എപ്പോഴും നല്ലത്. ടയറിന്റെ പകുതിക്കു താഴെയാണു വെള്ളമെങ്കിൽ ഓടിച്ചു പോകുന്നതു മിക്ക വാഹനങ്ങൾക്കും സുരക്ഷിതമായിരിക്കും. എന്നാൽ ഗ്രൗണ്ട് ക്ലിയറൻസ് കുറഞ്ഞ വാഹനമാണെങ്കിൽ അതിനു മുതിരരുത്.

മുൻപിൽ മറ്റു വാഹനങ്ങൾ ഉണ്ടെങ്കിൽ അവ വെള്ളക്കെട്ടിൽ നിന്നു സുരക്ഷിതമായി ഓടിക്കയറുന്നുവെന്ന് ഉറപ്പ് വരുത്തുക. ആ വാഹനം പോയതിന്റെ ഓളം അടങ്ങിയതിനു ശേഷം മാത്രം ഓടിച്ചു പോവുക. ഇല്ലെങ്കിൽ വാഹനം നിന്നു പോകാനുള്ള സാധ്യത കൂടുതലാണ്.