சைபர் செக்யூரிட்டி துறையில் 5 லட்சம் வேலை வாய்ப்பு!

உலகப் புகழ் பெற்ற கணினி நிறுவனமான ஐபிஎம்,  ஆசியாவின் மிகப்பெரிய சைபர் செக்யூரிட்டி 'ஹப்' (Cybersecurity Hub) ஒன்றை இந்தியாவில் உள்ள பெங்களூருவில் தொடங்கப் போவதாக அறிவித்துள்ளது. வரும் ஆண்டுகளில் சுமார் 5 லட்சம் பேருக்கு இத்துறையில் புதிய வேலை வாய்ப்பு ஏற்படுத்த அந்நிறுவனம் திட்டமிட்டுள்ளது. கணினித்துறைக்கு விதை போட்ட நிறுவனம் ஐபிஎம் (International Business machine). வயது 111.

- வினோத் ஆறுமுகம்

ஆம். முதன் முதலில் தொழில் துறையில் கணினியைப் புகுத்தியது, இன்றைய நவீன கணினியுகத்துக்கு வித்திட்ட நிறுவனம் இதுதான். இன்றும் இந்த நிறுவனம் கணினி தொடர் பான சேவைத்துறையில் முதல் பத்து இடங்களில் உள்ளது. நீண்ட நோக்கில் திட்டமிட்டுச் செயல்படும் நிறுவனம்.

அந்நிறுவனம் இந்தியாவில் முன்பே காலூன்றி விட்டது என்றாலும் 1990களுக்குப் பின் திட்டமிட்டு அவுட்சோர்ஸிங்கில் கால் பதித்தது.

இந்தியாவில் ஐடி துறையில் வேலை வாய்ப்பை ஏற்படுத்தி சில லட்சம் பேருடன் பெங்களூரைத் தலைமையிடமாகக் கொண்டு இயங்கி வருகிறது.