പ്രളയശേഷം ഒരു ജലകന്യക

പ്രളയത്തിന്റെ ഭീകരതയും മനുഷ്യന്റെ അതിജീവനവും അവതരിപ്പിക്കുന്ന ഈ ചിത്രത്തിന്റെ തിരക്കഥയും സംഭാഷണവും മനോജ് കുമാറും നവാസ് സുൽത്താനും ചേർന്നാണ് നിർവ്വഹിച്ചിരിക്കുന്നത്

- ഇക്കുട്ട്സ് രഘു

ഒരു മലയോര ഗ്രാമത്തിൽ അപ്രതീക്ഷിതമായുണ്ടാകുന്ന വെള്ളപ്പൊക്കത്തെ തുടർന്ന് ഒരു വലിയ വീട്ടിൽ ഒറ്റപ്പെട്ടുപോവുകയാണ് വൃദ്ധദമ്പതികൾ. അവരിൽ എഴുപത് വയസ്സുള്ള ഭർത്താവ് കിടപ്പുരോഗിയാണ്. അറുപത് വയസ്സ് പ്രായമുള്ള അമ്മച്ചി പക്ഷേ ചുറുചുറുക്കും ആരോഗ്യവുമുള്ള സ്ത്രീയാണ്. ക്രിസ്തീയസഭയിലും സമൂഹത്തിലും വലിയ കോളിളക്കമുണ്ടാക്കിയ ഒരു വിവാഹമായിരുന്നു അവരുടേത്. ഇന്നിപ്പോ നാലഞ്ച് ദിവസമായി ഇടമുറിയാതെ മഴ നിന്നു പെയ്യുകയാണ്. വിദേശത്തുള്ള മക്കളും, നാട്ടുകാരും, പോലീസുകാരും എത്രയും പെട്ടെന്ന് വീടൊഴിയണമെന്ന് ആവശ്യപ്പെട്ടിട്ടും ആ വീട് വിട്ടു പോവാൻ അവർ ഒരുക്കമല്ല. മരിക്കുവാണെങ്കിൽ അവിടെ കിടന്നു മരിക്കണം എന്നതായിരുന്നു അമ്മച്ചിയുടെ തീരുമാനം. പെട്ടെന്നാണ് കാര്യങ്ങളെല്ലാം മാറിമറിഞ്ഞത്. ശക്തിയായി മഴ പെയ്യുന്ന ആ ര