మన గడ్డపై కోచ్ల తయారీ

రాష్ట్రంలో అద్భుతమైన ప్రాజెక్టును చేపట్టి దేశానికి, ప్రపంచానికి అవసరమయ్యే రైళ్ళను తెలంగాణ బిడ్డలు తయారుచేయడం గర్వకారణమని ముఖ్యమంత్రి కే. చంద్రశేఖర రావు అన్నారు

- 

మేధా ఫ్యాక్టరీని ప్రారంభించిన కేసీఆర్

రాష్ట్రంలో అద్భుతమైన ప్రాజెక్టును చేపట్టి దేశానికి, ప్రపంచానికి అవసరమయ్యే రైళ్ళను తెలంగాణ బిడ్డలు తయారుచేయడం గర్వకారణమని ముఖ్యమంత్రి కే. చంద్రశేఖర రావు అన్నారు. రంగారెడ్డి జిల్లా శంకరపల్లి మండలం, కొండకల్లో మేధా రైల్ కోచ్ ఫ్యాక్టరీని రిబ్బన్ కట్ చేసి ముఖ్యమంత్రి ప్రారంభించారు. ఈ సందర్భంగా శిలాఫలకాన్ని కూడా ఆయన ఆవిష్కరించారు.  ఎలక్ట్రిక్ బగ్గీలో ఫ్యాక్టరీ అంతా కలియతిరిగి పరిశీలించారు. పరిశ్రమలో చేపట్టిన పనులు, సాంకేతికతలను ముఖ్యమంత్రి స్వయంగా పరిశీలించారు.