13 ஆண்டுகளாகத் தோல்வியை சந்தித்த மும்பை அணி !

சேப்பாக்கத்தில் நடந்த ஆட்டத்தில் 4 விக்கெட் வித்தியாசத்தில் சி.எஸ்.கே. வெற்றி !!

- 

18-வது ஐபிஎஸ் கிரிக்கெட்டில் நேற்று இரவு சென்னை சேப்பாக்கத்தில் மும்பைக்கு எதிரான போட்டியில் சென்னை சூப்பர் கிங்ஸ் அணி அபார வெற்றி பெற்றுள்ளது. இந்த நிலையில், தொடக்க ஆட்டத்தில் தொடர்ந்து 13 ஆண்டுகளாகத் தோல்வி பெறும் அணி என்ற மோசமான சாதனையை மும்பை இந்தியன்ஸ் அணி செய்துள்ளது.

ஐபிஎல் திருவிழாவின் 18-வது வருடம் நேற்று முன்தினம் கொல்கத்தாவில் கோலாகலமாகத் தொடங்கியது.

அங்கு நடந்த முதல்போட்டியில், ராயல் சேலஞ்சர்ஸ் பெங்களூரு மற்றும் கொல்கத்தா நைட் ரைடர்ஸ் இரண்டு அணிகளும் மோதினர்.

ஆனால், நடப்பு சாம்பியன் அணியான கொல்கத்தாவை வீழ்த்தி ஆர்சிபி அணி வெற்றி பெற்றது. அதனைத் தொடர்ந்து, நேற்று ஞாயிற்றுக்கிழமை என்பதால் இரண்டு ஆட்டங்கள் நடைபெற்றது. அதாவது, மாலை 3.30 மணியளவில் சன்ரைசர்ஸ் ஐதராபாத் மற்றும் ராஜஸ்தான் ராயல்ஸ் அணியும் ஐதராபாத்தில் உள்ள ராஜீவ் காந்தி சர்வதேச மைதானத்தில் மோதினர். அதில் ராஜஸ்தான் அணியை வெயிட்வாஸ் செய்தது ஐதராபாத் அணி; அதுமட்டுமின்றி, ஐபிஎல் வரலாற்றில் அதிக முறை 250-க்கும் மேல் ரன் எடுத்த அணி என்ற சாதனையையும் படைத்துள்ளது.

இதற்கிடையே, மூன்றாவது லீக் போட்டி சென்னை சேப்பாக்கம் சிதம்பரம் மைதானத்தில் நேற்று இரவு 7.30 மணியளவில் தொடங்கியது. இதில், ஐந்து கோப்பைகளை தன் வசம் வைத்துள்ள சென்னை மற்றும் மும்பை அணி மோதினர்.

போட்டி தொடங்குவதற்கு முன்னதாக, இசையமைப்பாளர் அனிருத்தின் இசை நிகழ்ச்சி நடைபெற்றது.

அதனைத் தொடர்ந்து, டாஸ் வென்ற சென்னை அணி பந்துவீச்சைத் தேர்வு செய்தது.

ரோகித் ஷர்மா டக் அவுட்:
அதனையடுத்து போட்டியில் தொடக்கமே மும்பை அணிக்கு பேரதிர்ச்சியாக இருந்தது.