செம்பவாங் வெஸ்ட்டில் சீ சூன் ஜுவான், புக்கிட் பாஞ்சாங்கில் பால் தம்பையா போட்டி

எதிர்வரும் பொதுத் தேர்தலில் சிங்கப்பூர் ஜனநாயகக் கட்சித் தலைவர் பேராசிரியர் பால் ஆனந்தராஜா தம்பையா, புக்கிட் பாஞ்சாங் தனித்தொகுதியில் நிற்கவுள்ளார்.

- ரவி சிங்காரம்

செம்பவாங் வெஸ்ட்டில் ஞாயிற்றுக்கிழமை (மார்ச் 23) நடந்த செய்தியாளர் சந்திப்பில் அக்கட்சியின் தலைமைச் செயலாளர் சீ சூன் ஜுவான் இதை அறிவித்தார்.

அதே சமயம், புதிய செம்பவாங் வெஸ்ட் தனித்தொகுதியில் தாம் நிற்கவுள்ளதாக டாக்டர் சீ அறிவித்தார்.

சிங்கப்பூர் ஜனநாயகக் கட்சி, செம்பவாங் குழுத்தொகுதியிலும் களமிறங்கவுள்ளதாக அவர் தெரிவித்தார்.

புக்கிட் பாஞ்சாங்கில் மக்களைச் சந்தித்துவரும் பால் தம்பையா

“சிங்கப்பூரின் ஆகப் பெரிய தனித்தொகுதி புக்கிட் பாஞ்சாங். நாங்கள் இதுவரை அங்குள்ள ஏறக்குறைய 150 அடுக்குமாடி வீட்டுத் தொகுதிகளில் 135க்கு வீடு வீடாகச் சென்றுள்ளோம். அங்குள்ள சமூகத்தினருடனும் உரையாடியுள்ளோம்.

“அங்குள்ள காப்பிக் கடைகள், உணவங்காடி நிலையங்களில் குடியிருப்பாளர்களுடன் உரையாடி, அவர்களின் எதிர்பார்ப்புகளை அறிந்தோம். அவர்களும் எங்களைப் பற்றிப் புரிந்துகொண்டனர்.