திறனுடன் செயல்பட குறைகள் தடையில்லை

தொழில்நுட்பக் கல்விக் கழகத்தின் (கிழக்கு) இறுதியாண்டு மாணவர் 18 வயது ஹ்ரிதே திருமுரு.

- ரவி சிங்காரம்

தகவல் தொழில்நுட்பச் செயலிகள் தயாரிப்பு (IT Applications Development) துறையில் உயர் நைட்டெக் படிக்கும் ஹ்ரிதே, இறுதியாண்டில் ஒரு நிறுவனத்தில் வேலைப்பயிற்சி பெற வேண்டும். ஒரு மாதமாகத் தேடியும் வேலைவாய்ப்புகள் அவருக்கு எட்டாக்கனியாக இருந்தன.

ஹ்ரிதேவுக்குப் பிறவியிலிருந்தே செவித்திறன் குறைபாடு உள்ளது. வலது காது முற்றிலும் செயலிழந்துள்ளது. இடது ஒலிக்கருவியில்மூலம் 80 விழுக்காட்டு ஆற்றலுடன் செயல்படுகிறது.

ஐடிஇ-எஸ்ஜி எனேபல் வேலைப்பயிற்சி, வேலைவாய்ப்பு ஆதரவுத் திட்டத்தின் வழி ஆறு மாதங்களுக்குக் கிரிசலிக்ஸ் எனும் உள்ளூர்த் தொழில்நுட்ப உதவி நிறுவனத்தில் ஹ்ரிதே வேலைப்பயிற்சியை மேற்கொண்டார்.