விலங்குகளுக்கு பாதிப்பு தரும் வனப் பாதுகாப்பு திருத்த மசோதர்!

வனம் வளர்ப்போம் மழை பெறுவோம் என்பது இப்போது எங்கும் ஒலிக்கும் குரலாகும். காரணம் இன்று ஒட்டுமொத்தமாக காடுகளை அழித்து வளர்ச்சித் திட்டங்கள் மற்றும் கார்ப்பரேட்டுகள் ஹோட்டல், ரிசார்ட் எனப்படும் குடில்கள் அமைத்து பணம் பண்ணும் களமாக காடுகளை மாற்றி வருகின்றனர்.

- எஸ்.ரவீந்திரன்

வன பாதுகாப்பு சட்டத்தின் முக்கிய நோக்கமே இந்தியாவின் வன வளங்களை பாதுகாப்பதுதான். ஆனால், தற்போது முன்மொழியப்பட்டுள்ள திருத்தங்கள் அனைத்தும் இவ்வளங்களை பன்னாட்டு மற்றும் உள்நாட்டு நிறுவனங்கள் எளிதாகவும் எவ்வித முன் அனுமதியும் பெறாமல் சுரண்டுவதற்காக வழி செய்கிறது.

புதிதாக சாலை அமைக்கிறோம், சாலை ஓரத்தில் மரங்களை நட்டு செழிக்க செய்கிறோம் என்று கூறி இயற்கை வளங்களை அழிப்பது வாடிக்கையாகிவிட்டது.

வன விலங்குகளை வேட்டையாடுவதுடன் அதன் இருப்பிடத்தை ஆக்கிரமிக்கிறோம். இப்படி செய்வதால் யானை, புலி உள்ளிட்ட விலங்குகள் மனிதர்கள் வசிக்கும் பகுதிக்கு வருகின்றன.