சித்தார்த் மல்லையா காதல் கதை!

திவால் அறிவிப்பு கொடுத்துவிட்டு தேசாந்திரம் போனாலும், ஜோரான வாழ்க்கை வாழ்ந்துவரும் இந்திய தொழிலதிபர்கள், அவ்வப்போது ஆடம்பரங்களால் நம்மை ஆச்சரியப்படுத்துகின்றனர்.

- பரிதி

அவர்களில் ஒருவர்தான் 900 கோடி ரூபாய் கடனை கட்டமுடியாமல், வெளிநாட்டுக்கு விமானம் ஏறிய விஜய் மல்லையா. கிங் ஃபிஷ்ஷர் ஏர்லைன்ஸ் நிறுவனராக இருந்ததாலோ என்னவோ, விசாரணை நடந்துகொண்டிருந்தபோதே விசாவுடன் அவரால் விமானம் ஏற முடிந்தது. எதற்கும் இருக்கட்டும் என்று லக்கேஜ் காவலுக்கு ஒரு இளம்பெண்ணையும் அழைத்துச்சென்றிருந்தார்.

அங்கு போய் அவர் 'அஜால்,குஜால்' வாழ்க்கை வாழ்ந்ததும், அவரை நாட்டுக்கு கொண்டுவந்து விசாரிக்க முடியாமல் இன்றுவரை இந்திய அரசு தலையாய் தண்ணீர் குடிப்பதும் யாவருக்கும் தெரிந்ததே.

இந்நிலையில், மல்லையாவின் மகன் சித்தார்த் தனது காதலி ஜாஸ்மீனை ஜூன் 23ஆம் தேதி லண்டனில் நண்பர்கள், உறவினர்கள் சூழ கைப்பிடித்துள்ளார். ஹெர்ட்ஃபோர்ட்ஷையரில் உள்ள விஜய் மல்லையாவின் 14 மில்லியன் டாலர் மதிப்பிலான எஸ்டேட்டில் இந்த ஆடம்பர விழா நடந்தது.