કોરોના સંક્રમણ સામે સુરક્ષાનો એક જ સચોટ ઉપાય ત્વરિત સૌને નિઃશુલ્ક રસી

કોરોના મહામારી સામે રક્ષમ મેળવવા માટે સરકાર દ્વારા રસીકરણ અભિયાનની જોરશોરથી શરુઆત તો કરવામાં આવી પણ જેમ જેમ આ રસીકરણ અભિયાન તબક્કાવાર આગળ વધ્યું તેમ તેમ રસીકરણ અભિયાનની વ્યવસ્થામાં ઊભી થયેલી ખામીઓ બહાર આવવા લાગી. પરિણામ એ આવ્યું છે કે જે ઝડપ સાથે અભિયાન આગળ વધવું જોઇતું હતું તે ધીમું પડી રહ્યું છે. પરિણામે લોકોમાં પણ નિરાશા વ્યાપી રહી છે

- પરીક્ષિત જોશી

કોવિડ-૧૯ની મહામારી સામે ૧લી મે, ૨૦૨૦થી ભારતીય મહારસીકરણ અભિયાનની શરૂઆત થઈ ચૂકી છે જે અંતર્ગત દેશના કરોડો નાગરિકોને તબક્કાવાર રસી આપવામાં આવશે. સમગ્ર દેશમાં એકસાથે થનારું આ અભિયાન દર પાંચ વર્ષે યોજાતી ચૂંટણી કે દાયકાના અંતે થનારી વસતીગણતરીના કામ કરતાં વધુ પડકારજનક છે એમાં કોઈ મીનમેખ નથી.