દિલ્હીની 'ઝેરી હવા': જવાબદાર કોણ?

સુપ્રીમ કોર્ટે સુનાવણી વખતે વૈજ્ઞાનિક તારણ ટાંકતાં કહ્યું હતું કે પરાળી સળગાવવાના કારણે ૩૦ ટકા વાયુપ્રદૂષણ ફેલાય છે, જ્યારે બાકીના ૭૦ ટકા ફાળો વાહનોનો ધુમાડો, બિલ્ડિંગોના નિર્માણનો છે

તહેવારોની સાથે-સાથે રાજાધાની દિલ્હી તેમજ તેની આસપાસના વિસ્તારમાં એક ભયંકર સમસ્યા માથું ઊંચકીને દર વર્ષે ઊભી થાય છે. આ સમસ્યા એટલે વાયુ પ્રદૂષણ. હાલ પરિસ્થિતિ એ હદે વણસી ગઈ છે કે પ્રદૂષણને નાથવા કોઈ નક્કર પગલાં નહીં લેવાય તો શુદ્ધ હવા માટે ટળવળવું પડશે. ફેક્સમાં ખુલ્લી હવા લેવી એ એક સપનું બનીને રહી જશે એ સમય હવે દૂર નથી.