આજથી પંચ દિવસીય દીપોત્સવનો શુભારંભ

દિવાળી પર્વનો રવિવાર ગઈ કાલ એટલે કે ૨મા એકાદશીથી મંગલ પ્રારંભ થઈ ગયો છે.

દિવાળી પર્વનો રવિવાર ગઈ કાલ એટલે કે ૨મા એકાદશીથી મંગલ પ્રારંભ થઈ ગયો છે. આજે વાઘ બારસની ઉજવણી થઇ રહી છે. આસો વદ બારસ વાઘ બારસ તરીકે ઓળખાય છે, જેને ગૌવત્સ દ્વાદશી કહે છે. વાઘ બારસ વસુ બારસ તથા પોડા બારસના નામથી પણ ઓળખાય છે. આજના દિવસે એક માન્યતા પ્રમાણે ગૌમાતા સમુદ્રમાંથી પ્રગટ થયાં હતાં. આ દિવસે વાછરડા સહિત ગાયનું પૂજન કરવાનું મહત્ત્વ છે. આજના દિવસે વેપારીઓ આખા વર્ષની બાકી લેવડ-દેવડ પૂર્ણ કરે છે.

દિવાળી પહેલાં વાઘ બારસ, ધન તેરસ અને કાળી ચૌદસ ઊજવવામાં આવે છે. વાઘ બારસના દિવસે ગુજરાતીઓ ઉંબરા પૂજવાનું કાર્ય કરે છે. વાઘ બારસમાં લોકો ‘વાઘ'નો અર્થ ‘વાઘ’ માને છે, જે લોકો વેપારધંધા સાથે જોડાયેલા છે તેમના માટે વાઘ બારસે ચોપડાનું દેવું પૂરું કરવાનો શ્રેષ્ઠ સમય હોય છે.